22-01-2021
Ingredientes (para 4 persoas)
• 400g aprox. cabaza cacahuete
• 4 boliños de hamburguesa
• Herba dos coengos
• 150 g de queixo de cabra semicurado
• 1 dente de allo
• 50 g de cebola encurtida*
• 5 culleradas de flocos de avea
• 3 culleradas de pan relado
• Noz moscada
• AOVE
• Sal
Preparación:
1. Pelamos a cabaza e relámola ou empregamos unha picadora.
2. Engadimos o allo picado miúdo. Poñemos tamén o ovo, os flocos de avea e o pan relado coa cabaza. Salgamos e especiamos.
3. Untamos unha bandexa de forno con AOVE.
4. Facemos as hamburguesas dándolles forma coas mans.
5. Forneamos por 10 min a 180° C. Viramos as hamburguesas e forneamos por outros 10 min.
6. Torramos os boliños nunha tixola a lume baixo.
7. Montamos a hamburguesa no pan. Colocamos na base a hamburguesa, por riba o queixo. Logo as herbas dos coengos e por último a cebola.
*Para preparar a cebola encurtida, picamos en xuliana unha cebola vermella, e sumímola en 100 ml de vinagre de arroz. Podemos utilizar outro vinagre se non atopamos o de arroz.
OPCIÓN VEGANA: Substituímos o ovo, por unha cullerada de fariña de garavanzo e dúas culleradas de auga. Prescindimos queixo ou trocámolo por un queixo vegano.
Receita: Thais P.
Foto: Nillo