19-02-2021
Ingredientes (para 4 persoas)
Para a crema:
• 200 g de queixo de untar
• 160 g de nata
• 40 g de azucre ou panela
• zume de 1/4 limón
Para a galleta:
• 100 g de fariña de trigo
• 1 sobre de fermento químico en pó
• 50 g de manteiga
Para os kiwis:
• 3-4 kiwis
• A monda dunha laranxa
• Canela
• 20 g de panela ou azucre
Preparación:
Para a crema:
1. Batemos a nata cun batedor de man ou eléctrico ata que estea semimontada.
2. Derretemos o queixo xunto co azucre durante un minuto ao baño maría.
3. Incorporamos o zume de limón e logo a nata. Reservamos.
Para a galleta
1. Derretemos a manteiga ao baño maría.
2. Engadimos.o azucre e mesturamos ben.
3. Engadimos a fariña e amasamos coas mans ata que nos quede unha masa compacta.
4. Desfacemos a masa en pequenos anacos coma se foran faragullas.
5. Forneamos a 200°C por 10 minutos. Reservamos.
Para o kiwi:
1. Cortamos en dados a froita.
2. Nunha tixola poñemos a panela a lume baixo.
3. Engadimos a pel da laranxa en pequenas tiras. (É moi importante que retiremos a parte branca xa que aporta amargor)
4. Cando a panela comeze a derreter, engadimos os kiwis e a canela e salteamos durante 2 minutos. Reservamos.
Montamos os vasiños.
1. No fondo colocamos unha ou dúas culleradas de froita.
2. Seguidamente poñemos a crema (con culler ou con manga pasteleira) ata cubrir o vaso uns 2 cm. Repetimos candas veces queiramos.
3. Por último colocamos a gallete crocante por riba.
OPCIÓN VEGANA: Necesitaremos un queixo de untar vegano e trocaremos a nata por crema de coco. Para a galleta, trocaremos a manteiga por margarina.
Receita: Thais P.
Foto: Thais P.